Hamadeyakma.com

මේක මේ අපේ ගම්පහ ඉන්න ලොකු මාමගේ යාලුවෙක්ට වුන දෙයක්. ඒ යාළුවා කොන්දොස්තර කෙනෙක්. දවසක් එයයි ඩ්‍රයිවර් මහත්තයයි වැඩ ඉවර වෙලා එයාලගේ බස් එකෙන්,ගෙදර යද්දී තමයි මේ සිද්දිය වෙලා තියෙන්නේ.. මේ වෙලාවේ බස් එකේ ඩ්‍රයිවර් මහත්තයයි, කොන්දොස්තර මහත්තයයි ඇරුනම වෙන කවුරුවත්ම බස් එකේ ඉඳල නෑ..

මෙයාලගේ ගෙදරට යන්න තියෙන්නේ පාලු සොහොනක් පහු කරගෙන..ඉතින් මේ සොහොන ළඟින් යද්දී එක පාරට ඩ්‍රයිවර් මහත්තය සැර බ්රේක් පාරක් ගැහුවලු.. බලනකොට පාර මැද්දේ තඩි ඌරෙක් ඉන්නවලු ඔරවාගෙන වගේ බලාගෙන. එයාට දැන් හීං දාඩියත් දැම්මලු..( ඌරා කියන්නේ මහසෝනාගේ එක ආත්මයක්ලු නේ ).. වාඩි වෙලා නිදාගෙන හිටපු කොන්දොස්තර බ්රේක් පාරට ඇහැරිලා ඇවිත් ඩ්‍රයිවර් දිහා බැලුවාලු..

පොර දාඩිය දාගෙන පාර දිහා බලන් ඉන්නවා..පාරේ මොකෙක්වත් පේන්නත් නෑ.. ඉතින් කොන්දොස්තර මහත්තය ඩ්‍රයිවර් මහත්තයාගේ පිටට තට්ටුවක් එහෙම දාල මොකෝ මචන් ප්‍රශ්නේ කියල ඇහුවලු.. ඩ්‍රයිවර් විස්තරේ කිව්වට පස්සේ මහා සද්දෙට හිනා වුන කොන්දොස්තර මහත්තයා කිව්වලු මේ පැත්තේ උඹ බේතකටවත් ඌරෙක් දැකල තියෙනවද බන්, ඔය මනස්ගාත නවත්තල ගෙදර යමන් කියල.. තව පොඩි ශේප් ටිකක් දැම්මට පස්සේ ඩ්‍රයිවර් මහත්තය ඔන්න දැන් ටිකක් විතර නෝමල් වුනා ලු..

ඔහොම කතා කරලා ඊට පස්සේ කොන්දොස්තර මහත්තයා නිකමට වගේ පිටි පස්ස බලනකොට මෙන්න පිටිම පස්සේ සීට් එකේ ඉන්නවලු කළු පාට හෙන උස පොරක් වාඩි වෙලා..

ඩ්‍රයිවර් මහත්තයා දැන් හිත හදාගෙන තමන්ට පුළුවන් තරම් වේගෙන් යනවා ලු..(බයටයි, ගෙදර යන්න තියෙන හදිසියටයි...)

ඉතින් ඩ්‍රයිවර් මහත්තයට මේ බස් එකට නැගපු මිනිහ ගැන කියන්න ඕන නෑ කියල හිතල කොන්දොස්තර මහත්තය ගියාලු ඒ මිනිහ ළඟට ටිකට් කඩන්න..

ගිහින් කිව්වලු "මහත්තයෝ ටිකට් ගන්න" කියලා..

වාඩි වෙලා හිටපු එකා කින්ඩි හිනාවක්‌ දාල ගොරෝසු කටහඬකින් හෙමීට කිව්වලු..

මම මහා සෝනා ...

ඒක ඇහුවම කොන්දොස්තර මහත්තයට යකා නැග්ගලු...ඉතින් එපාර එයා කිව්වලු

"උඹ රෙක්සෝන වුනත් කමක් නෑ ටිකට් ගනින් යකෝ "කියලා..